Seri Kutuk pastu

(Epos Carangan Setyaning Murid  Aprabeya Pati).

           

            Crita kawiwitan saka negara Paranggelung, kang lungguh ing dhamparing kedhaton yaiku prabu Palgunadi utawa Bambang Ekalaya nalika isih tumaruna, nduweni garwa kang tuhu setya marang jejere guru laki, tansah mesem lan nduweni swara kang alus nalika wawan pangandikan, yaiku dewi Anggraeni putri saka dewi Warsiki minangka salah sawijining widadari ing suralaya.

            Sang prabu Palgunadi wiwit lair nduweni musthika kang tansah tumempel ing drijine, yaiku Musthika Ampal.Prabu Palguna uga minangka turas saka wangsa Nisadha utawa pemburu, saingga nduweni katrampilan ing babagan olah kridhaning jemparing.Lumantar tembang rawat rawat kang kapireng dening Palgunadi ing tlatah Astina ana sawijining panhita kang nduweni tataran ilmu kang dhuwur ing babagan olah gegaman, kalebu jemparing uga.Mula, Bambang Ekalaya nduweni pepinginan supaya di dadekake murid saka pandhita mau.

            Banjur ing sawijining dina sang prabu Paranggelung mau lan garwane dewi Anggraeni bnjur mangkat menyang Sokalima saperlu ketemu kalawan pandhita mau, ing sadawane dalan, Bambang Ekalaya amung nglepasake jemparing dene kang dadi sasarane yaiku wit utawa sato kanag galak, sakwise wis kuwi sang prabu mau banjur takon marang pawongan kang nduweni tracak jaran, ora liya bambang Aswatama.

            "Pangapunten kisanak, namung badhe nyuwun pirsa margi tumuju ing padepokan sokalima ppunika pundi”?. Pitakone sang Palgunadi marang Aswatama.

            Sang Aswatama katon gawok marang kang ana mbuirne sang Palgunadi, ora liya dewi Anggraeni.Aswatama bakale luwih bisa tetepungan amarga wong loro mau arep menyang Sokalaima, mula dening Aswatma banjur katerake menyang ngomahe.Ing kono banjur sang prabu Paranggelung ngutarakne ancase teka ing padepokan kono yaiku kanggo dadi muride sang pandhita Drona.Sang Baratwajaputra katon bingung, amarga dheweke wis prasetya marang resi Bhisma nalika ngangkat Pandawa lan Kurawa minangka murie, Drona ora di keparengake ngangkat murid maneh, nanging ibg wektu iki Pendidikane knggo trah barata wis rampung, nanging tetep ana para pandawa kang latihan mrono saperlu nambah seserepan marang kaprigelane ing olah senjatane pribadi pribadi.

            Sanf Drona banjur urung menehi predikat kanggo Palgunadi minangka muride, nanging Ekalaya wis antuk palilah kanggo nyecep sakabehing ilmu ing Sokalima kene, kalebu uga ilmu babagan olah jemparing, nalika sasuwene prabu Palguna lan dewi Anggraeni ana ing Sokalima, sang aswatam tansah seneng anggone nyawang ewi Anggraeni, mula saka ing ngarep sang pandhita urung nolak penjaluke sang Ekalaya amarga saka putrane mau kang uga nduweni rasa marang dewi Anggraeni, Aswatama katon mbeani wiwit sang dewi ana Sokalima, dheweke tansah ana padepokan lan uga tansah gladhi breng sang Ekalaya.Sang Ekalaya banjur seneng latihan ana ing tengahing alas ln katunggoni patunge sang resi kang di gawe dhewe, tansaya suwe tansaya dangu kaprigelan lan kalantipane sang prabu Paranggelung mau bisa nandhingi kawaskithane Arjuna babagan olah sanjata jemparing.

            Dene Dewi Anggraeni kang ana Sokalima uga uwis kaondurake mulih menyang negara Paranggelung.Kabar kaprigelane sang Palguna kasebar nganti tekan pangrungone Arjuna, Sang Arjuna banjur tindak menyang Sokalima awit miturut kabar, sang pandhita Drona kang wis ngolehake raja Paranggelung mau nyecep kawruh saka pandhita Drona.Sang Palguna banjur takon marng gurune gegayutan sejatine kabar mau bener apa ora.Kabar mau banjur di benerake dening sang Baratwajasuta, kabeh mau di lakonake kanggo si Aswatama, amarag putrane mau kasengsem marang garwane Palgunadi.Kamangka resi Drona wis janji marang Palguna, yen dheweke bakal ndadekake minangka pemanah kang tuhu sudibya ln ora nan tandingane, mula kanggo nebus kuwi sang resi kalawan Palguna lunga menyang panggonan Palgunadi latihan manah, ing kono sang Palguna isa ngerti yen kabar perkara kaprigelane Palgunadi dudu warta kang ngayawara, isa di arani kaprigelane sang Ekalaya selaras kalawan Janaka.

            Mula Drona kanggo ngijoli rasa kaluputane marang sang Arjuna, sang Drona Nduweni rekadaya kanggo mungkasi kaprigelane sang Ekalaya.

            Sang Drona banjur marani anggone sang Ekalaya latihan, katon bungah sang Ekalaya.hewke banjur ngaaturake sungkem pangabekti marang kang wis di anggep minangka gurune mau, sang Drona Banjur paring dhawuh supaya I terusake anggone latihan.

            Sang Ekalaya banjur nerusake anggone latihan olah jemparing,sang Ekalaya sanget anggone bungah amarga latihane katunggoni resi Drona kang sanyatane,Mula gregete anggone gladhen tansaya tikel matikel.Sang Drona mudeng yen titik pangapesane saka Bambang Ekalaya ing rijine kang di panggoni Kalpika Musthika Ampal, kang kagawa Ekalaya wiwit lair.

            Mula sang Drona kanthi alesan kanggo nguji kasetyane sang murid marang gurune, pandhita Drona njaluk driji kang ana musthikane mau supaya katugel minangka tandha bukti kasetyane Ekalaya.

            “Ngger, Ekalaya.Yen nggonmu nganggep aku miinngka gurumu kang tuhu mbok bekteni, aku njaluk bukti saka rasa bektimu marang jenenging sun”.panjaluke sang guru marang muride.

            “Inggih kangjeng bapa resi, awujud napa ingkang kedhah kula pisungsungaken dumateng pnjenengan minangk tandha bekti kawula?’.Pitakone sang Ekalaya.

            “Pun bapa ora njaluk kang awujud gebyaring kadonyan, nanging bapa amung njaluk marang kasaguhanmu kanggo masrahake drijimu kang ana Musthika Ampal kuwi”,Mangkono mau panjaluke sang Drona.

            Ketara kaget tyasing sang Ekalaya, nanging kasurung marang bektine sang guru, mula driji kang ana Musthika Ampal mau banjur katigas nganggo kerise pribadi.Sawise driji mau pisah kalawan anggane, sang Ekalaya tib kapidara bablas nemahi seda.

            “Resi kang ora ngerti unggah ungguh, jeneng sira wus dak bekteni nganti trusing batin nanging kaya mangkono piwalesmu, eling elingen.Suk nalika ana perang gedhe ya ing kono piwalesku lumantar bocah kng lahir lewat sesaji agni, kinrya slamet guru”.Swara mau banjur ilang.

            Tembe mbur sang Resi Drona nemahi palastra ing tegal Kurusetra nalika perang brubuh barata yudha jayabinangun, den kang mrejaya resi sekti mau ora liya putra saka Pancalaradya, yaiku raden Dresthayumena kang lair lumantar sesaji agni bebarengan lahire dewi Drupadi.