GURIT TANGISKU

KANCA LAN WANODYA

Rikala ati kang peteng lelimengan

Amarga ilange tali katresnan

Rikala tindak culika

Kanca kang gawe reka daya

Kuping kang abang mbranang

Kang njalari dadine perang

Perang amarga katresnan

Antarane wanodya lan kekancan

Apa iki nerakane tresna

Panase ngungkuli dahana

Nalika apa sing dak kira

Ora padha kaya sing tak jangka

 

Heh, wanodya lan kanca

Tandukmu kaya kewan ing wana

Lali marang sapadha padha

Dadio kewan kang ujud manungsa