Seri Gegambaran Selingkuh ing Pewayangan

 Donyaning Selingkuh Ing Jagad Pakeliran.

(epos carangan banjaran abimanyu).

            Crita iki kalebu crita carangan amarga ing Mahabarata lan Ramayana ora ana kang maparake lakon iki.Nanging yen miturut pakem, Abimanyu iki pancen ana.

            Crita iki kawitan nalika Raden arjuna nduweni semah kapisan yaiku musthikaning kaputren Dwarawati dewi Wara Sembadra.Keng garwa nembe nggarbini lan pengin nduweni dolanan awujud kewan kang apik wernane, mula raden arjuna gawe gedhogan kanggo nyekel kewn kanthi gunggung kang akeh.Wis ngancik sangang candra wancine ponang jabang bayi lair, nanging raden arjuna uga urung bali menyang ksatriyan Madukara.Si ponang jabang bayi ketra glewo glewo ora geseh saksiliring rambut kaya sudarmane.Ing wayah wengine ponang jabang bayi mau nangis kanti banter, kahanan kaya mangkono mau ndadekake sang ibu kaget lan gage rucat anggone tileman.Nanging kaya ngapa kagete amarga putra kinasihe ilang tanpa tilas.

            Kabar ilange si ponang jabang bayi mau kanthi cepet kasebar ing ngamarta, para kadang pandawa banjur tumuju ing madukara, saperlu pengen ngerti larah larahe ilange ponakane mau.Wara sembadra katon kaget marang kadadean mau, keng raka Dwarawati banjur utusan marang sawijining prajurit kang nyeluk bali si Arjuna.Raden Werkudara kang kajibahan nggoleki ponang jabang bayi mau.Olehe nggoleki ponakane mau kedlarang dlarang nganti tekan alas krendhawaha ya setra gandamayu, ora let suwe panenggak pandawa mau krungu swarane bayi nangis.Werkudar percaya yen tangising bayi mau ora liya kejaba ponakane dhewe.Ing Kono raden Werkudara ngonangi yen ponakane di colong dening bangsane lelelmbut prentahe saka Dewsrani,watake raden werkudra kang ora sabaran ndadekake perang lan lelembut mau kasil katundhung bali menyang dangkane.Si ponang jabang bayi mau banjur di gawa bali denng raden Werkudara, nanging sadawane dalan ponakane mau amung nangis wae, saya suwe saya banter tangise lan saya ndadekake susahe si bayu suta mau.Sakig bingunge banjur si ponang jabang bayi mau di susoni dening raden Werkudara pribadi, bayi mau banjur meneng.Mula bayi mau di wenehi tenger raden Abimanyu ya Angka wijaya.

            Nalika raden Abimanyu wus ngancik dhewasa, paraupane lan lagak lageane ora beda saka sudramane.Raden abimanyu nduweni garwa yaiku putri saka Darawati yaiku dewi Siti Sendari, patutan kalawan Siti Sendari ora nduweni momongan.Mula, banjur dheweke ngrabi Dewi Untari putri ngra wiratha kang kaprenah Eyange.Sejatine, dewi Untari bakal kadhaupake kalawan Raden Janaka,  nanging panengah pandawa mau ora gelem lan supaya kanggo putrane si Abimanyu.

            Sawise boja andrawina dhaupe Abimanyu lan Untari, pasangan mau bnjur cangkrama ana taman kaputren wiratha.Ing kono Untari  nakokake apa abimanyu isih jaka apa wis duwe sisihan sakdurunge dheweke.Mula Abimanyu nganti muni :

            “Yen aku isih jaka lan urung duwe garwa, yen aku ngansi ngapusi sun bakal mati ing perng barata yudha jayabinangun kanthi tatu arang kranjang”

            Crita mau urung rampung, ing kaputren Plangkawati dewi Siti Sendari bingung marang lungane raden Abimanyu.Dheweke ora mudeng yen sesembahane lagi andon asmara ing wiratha.Ing kaputren Plangkawati amung di tunggoni dening kalabendana.Watak raseksa Pringgadani iku  kang polos lan jujur ngandakake menawa si abimanyu rabi meneh ana Wiratha.Bleg, siti sendari semaput lan dadi robyongan, dene kalbendana di pulasara dening pulunane pribadi si gathotkaca nganti tumekaning lampus.Nanging kabeh mau ora di sengaja dening Prabu Anom Harya Gathotkaca.

            Crita kapunggel, wus tekan titi wancine Prasapane Abimanyu kelakon.Nalika Perang barata yudha jayabinangun, ska Kurawa kang madeg senapat yaiku Begawan Drona dene saka Pandawa yaiku satriya saka Pancalarady raden Drestayumna.Begawan Drona kang pinter babagan gelar perang wis mangerteni carane kanggo mikut prabu Yudistira, yen pembarepe pandawa kuwi kasil kapikut mesthi gelem ora gelem kabeh sedulure mesthi pasrah bongkokan.

            Begawan Drona migunakake gelar cakra byuha, yaiku awujud roda kang gilir gumanti tansah muter, kanthi gelar mau prabu Yudhistira kasil mlebu ing gelar kui mau.Drona mudeng menawa kang bisa ngrusak gelar mau yaiku Arjuna lan si Werkudara, mula kakang lan adhi mau di pisahne ngalor lan ngidul katantang dening rtau saka sabrang.Nanging drona lali, yen isih ana abimanyu kang uga bisa ngrusak gelar mau.Angka wijaya di weleg dening pamane yaiku prabu Kresna babagan gelar perang lan olah kanuragan.Ngerti uwane kasil kapikut, si bimanyu banjur nekad ngrusak gelar mau lan kasil ngetokake Yudhistira saka bebaya, nanging kanggo ijole abimanyu kang ganti kapikut ing cakra byuha mau.

            Sakabehing gegaman karocok menyang anggane abimanyu, nanging mau ora ndadekake abimanyu mati.Adipati Karna mudeng yen pulunane kuwi ora bakal mati yen gandewane abimanyu tugel dadi loro, mula enggal enggal suryatmaja nguculake jemparing lan kasil nugelake gandewa mau.Abimanyu kaya di lolosi otot bebayune.Ing kahanan kaya mangkono mau, si Lesmana Mandrakumara teka kanthi gawa kris ligan kanggo mateni Abimanyu.

            “Laa, lak kelakon mati to kowe le.Sakabehe kok rebut saka aku.Iki trimanen oiwalesku”.

            Nangin, keris mau urung sida tumancep ing jajane abimanyu, Lesmana malah kejet kejet tumekane pati  amarga keris abimanyu luwih dhisik nyubles wetenge si Lesmana.Ngerti puluanane tumekaning pati, raja Sindhu, raden Jayadrata kang nggawa gada kyai glinggang kasil ngepruk sirahe kanthi sesidheman.

            Apa kang di sumpahne dening Abimanyu dadi kasunyatan, Angka wijaya mati ing rananggana kanthi tatu kang arang kranjang.